O día de Rosalía de Castro

Dende o equipo de dinamización lingüística e o equipo de biblioteca, para festexar o día de Rosalía de Castro levamos a cabo un reparto de flores. As flores foron feitas polos alumnos/as e cada unha levaba escrito un poema da escritora. Por niveis estaban repartidas as cores e os alumnos/as tiñan que regalar a súa flor a outro compañeiro/a e recitarlle o poema que nela levaban escrito. Desta maneira o alumnado coñecía poemas de Rosalía ao mesmo tempo que gozaba co agasallo dunha flor.