Dende O CEIP Valle Inclán de Vigo, animáronnos a colaborar nesta iniciativa, aportando grúas de papel con desexos, que despois de expostos no seu centro, se enviaran o 6 de agosto a Xapón, data escollida por ser o día do bombardeo de Hirosima e lembrar que estas barbaridades non se poden repetir.
As mil grúas de origami convertéronse nun símbolo da paz por mor da historia de Sadako Sasaki (1943-1955), unha nena xaponesa que desexou curarse da súa enfermidade producida pola radiación da bomba atómica que caeu sobre Hiroshima. Tras o consello da súa amiga Chizuko, e mentres estaba no hospital, decidiu que faría 1.000 grúas de papel. Pensou que o seu desexo non só sería para curarse, senón tamén para que todo o mundo puidese vivir en paz e non houbese máis guerras. Sadako non puido superar a súa enfermidade e tampouco acabou de facer todas as grúas (tivo que deterse na 644). Pero Chizuko e moitos outros amigos chegaron a facer as 1.000 grúas, que desta forma, convertéronse nun símbolo da paz en todo o mundo.
No hay comentarios:
Publicar un comentario