BO NADAL

BO NADAL E FELIZ 2013

A Estrela de Oriente

Hoxe  , 20 de decembro, tivemos a sorte de contar no colexio coa presenza do escritor e xornalista Pemón Bouzas. 

A súa visita tiña como  obxectivo a presentación do seu novo  libro " A Estrela de Oriente" ao alumnado do 3º Ciclo, unha historia dos Reis Magos coa que todos, e máis nestas datas, revivimos o entusiasmo e a ilusión desta tradición.

Aquí podedes ver a portada do seu novo libro por se queredes facerlle un encargo ás súas maxestades OS MAGOS DE ORIENTE.

Intercontos

O venres 14 de decembro celebramos no cole sesións de intercontos na Biblioteca. É unha actividade que se ven celebrando con moita aceptación tódolos anos  e, este ano non foi menos. Aos alumnos gústalles moito ser protagonistas das historias que eles mesmos lles contan aos seus compañeiros de ciclo.

Esta actividade organizouse durante a mañá do venres na Biblioteca, de xeito que, ao longo de tres sesións foi pasando todo o alumnado distribuído nos tres ciclos.

Podedes ver algunhas fotos desta actividade.

 

Recomendacións de lecturas

Chega o Nadal.

Un tempo propicio para a lectura e os agasallos.
Para orientarvos na elección de lecturas, o  Equipo de Biblioteca , en colaboración con outros Equipos de Bibliotecas dos colexios do Val Miñor, seleccionamos algunhas das moitas que nos ofertan as editoriais e elaboramos unhas tarxetas coas portadas dos libros seleccionados. No noso cole entregaremos dous modelos de tarxetas, unha con recomendacións axeitadas ao 1º ciclo e outro, coas recomendacións para o 2º e 3º ciclo. Na parte posterior das tarxetas aparecen os títulos axeitados a cada idade, a editorial e autor de cada libro. Ademáis podedes ver o nome dos colexios que participaron na realización das mesmas.

Esperamos que o que temos escollido resulte do voso agrado. 

Felices Lecturas polo Nadal!

Un bosque de poesía

Seguindo a traballar coas árbores, plantas e animais, propúxose buscar poesías que tivesen como eixo central esta temática.
Unha vez seleccionadas estas poesías escribíronse nun folio (a man ou no ordenador) e recortouse formando a silueta da folla dunha árbore  colgándose finalmente nas árbores que estaban expostas ao longo do corredor do 1º andar.Así formamos o noso BOSQUE DE POESÍAS.
Ademáis de seleccionar e copiar poesías orixinais tamén se elaboraron de xeito individual e colectivo poesías empregando os adxectivos cualificativos traballados na actividade anterior ( mural de adxectivos cualificativos).

Aquí podedes ver imaxes do noso bosque de poesía.

Mural adxectivos cualificativos

O Equipo de EDL en colaboración coa Biblioteca propuxo facer un mural que se colocou no 1º andar ao lado da sala de profesores co seguinte lema:

AS PLANTAS MEDRAN,

OS ANIMAIS CAMBIAN...

A LINGUA PERMANECE!

Dado que nestes meses de outubro, novembro, decembro e tamén xaneiro estaremos a traballar temas comúns relacionados coas plantas e animais, propuxemos buscar adxectivos cualificativos para plantas e animais.

Nunha primeira semana (a data estableceuna o EDL) os alunos/as do 1º ciclo buscaron 21 adxectivos (7 por clase e 3 máis suplentes por si se repiten noutra clase).

Na semana seguinte os do 2º ciclo terían que aportar outros 20 máis despois de lidas as propostas do 1º ciclo.

Finalmente o 3º ciclo fará o mesmo tras ver os adxectivos aportados polo 1º e 2º ciclo.

Estes adxectivos iranse escribindo en tarxetas de cartolina de distinta cor para cada ciclo e logo pegaranse con velcro nunhas siluetas de árbore-planta e animal, preparadas para tal fin no mural do corredor do 1º andar.

Posterioremente nas clases faranse traballos con este vocabulario: dende frases ata rimas para posteriormente facer poesías (individuais ou colectivas).

Así nos está quedando o noso mural. ¡Gústavos!

Xogos educativos

PARA PRIMARIA

  

   Tangram

   Xogos espaciais empregando as figuras do Tangram.

Planeta Igualdade

Xogo da Oca con propostas para a reflexiónsobre a Igualdade do home e a muller.

Cuentos y leyendas ilustrados por niños (6 a 9 años)

Actividades de comprensión lectora e xogos interactivos.

Cuentos y leyendas ilustrados por niños (9 a 11 años)

Actividades de comprensión lectora e xogos interactivos.

O Aforcado de San Xoan. 

O tradicional xogo do aforcado, en galego.

O Quebracabezas

Para romper a cabeza facendo puzzles.

Desfachicabola

Actividades para o manexo do rato.

O Preguntoiro

Un trivial interactivo para aprender moitas cousas sobre a cultura galega e xogar sós ou en compaña. 

Pasapalabra

Testeando
Un trivial interactivo con preguntas sobre diversas materias ordeadas segundo o seu grado de dificultado por niveis educativos.

Obradoiro de poesía

O Xoves 13 de decembro, dentro da celebración da Semana Homenaxe a nosa compañeira Josefa Fernández Fontenla, tivemos no colexio un obradoiro de poesía para todo o alumnado a cargo da poetisa "Marta Dacosta".
A actividade desenrolouse ao longo de toda a mañá en tres sesións nas que se dividiu o alumnado nos tres ciclos(1º;2º e 3º).
Resultou unha actividade moi interesante xa  que no cole se estivo traballando coa poesía e con este obradoiro puideron comprobar que a poesía é algo próximo, que está presente nas nosas vidas.
Ademáis participaron na elaboración dos seus propios pemas. Cada ciclo coa axuda de Marta, propuxo palabras sobre a temática que se estaba tratando e posterioremente elaboraron o seu poema.
Os traballos resultantes deste obradoiro pódense ver pinchando no seguinte enlace cepneiravilas.blogaliza.org

Aquí podemos ver os alunmos/as durante o obradoiro.

Teatro escolar

O mércores 12 de decembro puidemos gozar no colexio dunha sesión de teatro escolar.
Tivo lugar despois do recreo e os artistas que nos fixeron disfrutar foron os alumnos de 2º A ,  4ºA e 4º B.

O programa foi o seguinte:

Semana Homenaxe a Josefa Fernández Fontenla

Como ven sendo habitual estes derradeiros anos, no mes de decembro celebramos a Semana Homenaxe a Josefa fenández Fontenla polo seu pasamento.
Este ano as actividades realizaranse ao longo dos días 12, 13 e 14 de decembro coa seguinte programación.